-
FRIVILLIGKVELD I STAD 29.JANUAR 2025
Frivilligkveld er ein av to årlege møteplassar mellom frivilligheita og Stad kommune. Vi møtast for å snakke om viktige tema og skal finne ut korleis ein saman best kan legge til rette for frivilligheit i åra framover. Har du tema du kunne tenkje deg at vi tok opp denne kvelden? Meld dei inn til oss innan måndag 6. januar.
Stad kommune sin Frivilligpolitikk 2025-2028
I mars 2025 skal Stad kommunestyre vedta revidert frivilligpolitisk plattform for Stad kommune 2025-2028. Frivilligpolitikken er eit samarbeidsdokument som både kommune og frivillige har bidrege med innspel til. Det er forankra både i Stad kommune sin samfunnsplan og i Temaplan for kultur, at Stad kommune skal ha ein frivilligpolitikk.Slik har dei frivillige bidrege til no:
- Gjennom Frivilligkveld 2023 - Samandrag innspel frivilligkveld
- Gjennom kartlegging av frivilligheita i Stad - hausten 2023 - Kartlegging av frivilligheita i Stad kommune
- Gjennom innspel på Frivilligkvelden 2024 -Samandrag Frivilligkveld 2024
- Gjennom gruppearbeid i samband med Innbyggjartreff 2024 (lenkje til innspel kjem)
I desse dagar blir all denne informasjonen bli samla i eit kunnskapsgrunnlag og eit utkast til ny frivilligpolitikk, som vi sender ut saman med neste nyhendebrev rett før jul.
Det vert ei opa høyring som vert avslutta i starten av februar.
Deretter vert saka meld opp til politisk handsaming i den politiske møterunden i mars.
(Saka vert oppdatert med datoar etterkvart som dei er klare/vedtekne).
Har du innspel til Stad kommune sin frivilligpolitikk som ikkje er kome med i nokre av dokumenta ovanfor, så meld dette inn på skjema nedanfor innan måndag 9. desember.
Her kan du lese gjeldane frivilligpolitisk plattform 2021 - 2024
Del på:
Flere nyheter
-
Vil du sitte i Stad Frivilligråd (Interimråd 2025)
Det skal dannast eit felles råd for frivilligheita i Stad kommune. Alle som tilhøyrer ein frivillig organisasjon i Stad kommune kan no melde seg opp som kandidat. FRIST FOR Å MELDE INN KANDIDATAR ER 20.januar
-
Prosjekt Juleglede
Juletida kan vere krevjande for mange. I Stad samlar lag og organisasjonar seg og mobiliserer for å kunne gi litt ekstra juleglede også i år. Oppmodinga går no ut til næringsaktørar, organisasjonar og privatpersonar; Bli med å bidra med pengar, matvarer og gåver! Les meir om samarbeidsprosjektet og korleis ein kan bidra <3
-
Tilskot til dekning for uteståande medlemskontingentar, treningsavgifter og deltakaravgift for 2024
Lag og organisasjonar kan no søkje tilskot for uteståande kontigentar og avgifter for 2024. Samla pott som vert delt ut er kr. 90.000. Søknadsfrist 01.11.2024.
-
Her kan du sjå bilder frå det flotte Innbyggjartreffet og Inspirasjonssamlinga
Takk til alle som stilte på stand og lagde ein skikkeleig festdag for frivilligheita og innbyggjarane /publikum. Innbyggjartreffet vart opna av Ordførar Judith Kvåle og Stad kulturskule v/ Olga Pavlova. 32 stand frå frivillige lag/org frå heile kommunen og infotorg frå Stad kommune kunne vise til eit breitt tilbod og hadde mange kjekke aktivitetar. Kakene var nydelige, kakeskjærarane var flinke og blide, folk smilte og prata ilag. Det var Rett og slett god stemning og ei kjekk tid ilag. Tidlegare på dagen hadde lag og organisasjonar ei inspirasjonssamling der blant anna Geir Arne Solheim frå Nordfjordkompaniet hadde innlegg og inspirerte oss med sine tankar rundt rekruttering. Her kan du sjå bilde frå dagen: