Prosjektmedarbeidar for digitalt utanforskap og  «Bli med på fritidsaktivitet i Stad».

Prosjekt "Etablering av faste opplæringsarenaer for digital kompetanse i Stad kommune" 
Prosjektmidlar frå Digitaliseringsdirektoratet (DigDir)

Prosjektet har følgjande hovudmål:
Det skal vere enkelt å få digital opplæring og hjelp i Stad kommune

Delmåla/delprosjekta er:
1. Det skal etablerast minst to faste arenaer for digital opplæring og digital hjelp i Stad kommune på Innbyggjartorget i Selje/Stad bibliotek avd. Selje og på Stad bibliotek – hovudbiblioteket på Nordfjordeid. 

2. Det skal vere digital hjelp tilgjengeleg på faste tidspunkt på dei 2 opplæringsarenaene og det skal gjennomførast ei prøveordning med oppsøkjande digital hjelp til heimebuande – Prosjekt «Drop In – Go out». 

3. Dei frivillige organisasjonane som driv digital opplæring for målgruppa skal styrkast med hjelp til rekruttering og opplæring av digihjelparar og tilrettelegging for kurs og opplæringsøkter.

4. Kommunalt tilsette kan få høve til å delta i same opplæringsøktene som frivillige digihjelparar slik at dei som yter kommunale tenester også blir betre rusta til å hjelpe tenestemottakarar.

5. Tilbod om digital opplæring og hjelp både i regi av frivillige og i regi av kommunale tenester skal samordnast i halvårsprogram og marknadsførast godt. 

Målgruppe for prosjektet er :
Alle innbyggjarar i Stad kommune som ønskjer å bli trygge digitale brukarar. Prosjektet har særskilt fokus på dei tre gruppene oftast står i fare for digital utanforskap; dei med høg alder, låg inntekt og dei som står utanfor arbeidsstyrken. Kommunalt tilsette, særskilt dei som yter teneste til desse 3 gruppene er også ei målgruppe.

Prosjekt "Bli med på fritidsaktivitet i Stad"

Målet med dette prosjektet er:
a. Fleire aktive og engasjerte barn og unge i Stad.
b. Lett tilgjengeleg kunnskap om kva som finnest av aktivitetar (synleggjering)
c. Lett tilgjengeleg informasjon om korleis redusere barrierer for deltaking som økonomi, universell tilrettelegging og transport, kunnskapsbygging hos frivillige organisasjonar og andre aktivitetstilbydarar, foreldre/føresette og hos alle som arbeider med born og unge i Stad kommune.

Koordineringsarbeidet i dette prosjektet vil ha 9 konkrete arbeidsfelt:

1. Kartlegge og halde oppdatert det som finnest av organiserte fritidsaktivitetar for born og unge i kommunen, og bidra til å synleggjere dette ved å hjelpe frivillige organisasjonar og andre aktivitetstilbydarar til å bruke dei digitale plattformene Stad Foreningsportal og ungfritid.no

2. Kartlegge dei utfordringar frivillige organisasjonar og andre aktivitetstilbydarar meiner det er med å inkludere alle born og unge i sine aktivitetar. Finne ut kva tilbydarane treng meir kunnskap om, og legge tilrette for at dei kan få slik kunnskap.

3. Synleggjere tilgjegeleg kunnskap om barrierer for deltaking i ulike aktivitetar lokalt. Lage system for korleis kommunen kan hjelpe aktivitetstilbydarane med å redusere slike barrerer dersom det er mulig t.d. ved bruk av fritidskasse, ordningar for inkludering som finnest internt i organisasjonane, betre universell utforming, betre foreldre/føresette sin kunnskap om aktivitetane og synleggjere mulige transportordningar som kan nyttast til aktiviteten.

4. Lage rutiner for korleis spreie informasjon om fritidstilbod og enklare deltaking til foreldre, born/ungdom, aktivitetstilbydarar, kommuneorganisasjon og andre.

5.Tett kontakt med dei ansvarlege for BTI i Stad kommune for å
- finne gode rutiner for å inkludere kunnskap om deltaking i fritidsaktivitet i BTI arbeidet.
- kartlegge kva utfordringar dei som arbeider med BTI ser i arbeidet med å inkludere born i deira system i organiserte fritidsaktivitetar.

6. Spre kunnskap om kva som finnest av fritidsaktivitetar og korleis ein kan legge tilrette for at alle kan delta internt i kommuneorganisasjonen. Her vil det særskilt vere fokus på alle tenester som arbeider direkte med born og unge/barnefamiliar. Dette kan t.d. gjerast på einingsleiarmøter, møter i BTI teamet eller ved besøk på personalmøter.

7. Lage rutiner for korleis ein spreier kunnskap om deltaking i organisert fritidsaktivitet på alle mulige arenaer der kommunale tenestetilbod og foreldre/føresette møtest t.d. helsestasjon, foreldremøter, samarbeidsmøter, informasjonsmøter. Dette kan t.d.gjerast ved å vise fram dei digitale plattformene informasjonen er samla på, snakke litt om foreldreoppfølging i samband med fritidsaktivitet, ufarleggjere det å delta og snakke om kor viktig det er å delta.

8. Spre informasjon om kva som finnest av organisert fritidsaktivitet til born og ungdom direkte. Dette kan gjerast gjennom skular, helsestasjon og andre tenester som er i direkte kontakt med born/ungdom. Ungdomsråd, elevråd og aktivitetstilbydarar sjølve kan vere gode samarbeidapartar her. Framgangsmåten vert mykje lik pkt. 7.

9. Definere roller, arbeidsdeling og rutiner i dette arbeidet, og lage gode årshjul for kva som skal gjerast når i eit arbeidsår.  Implementere desse rutinene . 

Kulturavdelinga i Stad kommune v/Eid Frivilligsentral og Selje Frivilligsentral håpar resultatet av desse to prosjekta vil vere med på å løfte arbeidet i lokale frivillige organisasjonar i åra som kjem.