Foreningsportalen og Tilskuddsportalen – nyttige verktøy for frivilligheita

Foreningsportalen og Tilskuddsportalen – nyttige verktøy for frivilligheita

Gjennom Foreningsportalen og Tilskuddsportalen har lag og organisasjonar fått to digitale verktøy som kan gjere kvardagen enklare – både for dei som driv aktivitetar, og for dei som vil delta.
 
Frivilligheita i Stad har lenge etterlyst ein felles stad for oversikt, kontakt og informasjon. No har vi det! Og vi har hatt det ei stund. 
Det er begynt å bli ganske bra og mange har allerie oppdatert og brukar sida aktivt. Men det er ein god del fleire organisasjonar og massevis av aktivitetar som skjer som ikkje syner på portalen. 


 

Foreningsportalen

• Ein felles nettstad for alle lag og organisasjonar i kommunen.
• Her finn du kontaktinformasjon, aktivitetar og arrangement samla på eitt stad.
• Portalen har ein kalender som gir innbyggjarane god oversikt over kva som skjer.
• Kvart lag kan sjølv enkelt oppdatere informasjon og leggje inn eigne aktivitetar og bilete.
• Kommunen og frivilligsentralane kan raskt dele informasjon eller sende meldingar ut til aktuelle lag.

Fordel: Laget ditt blir meir synleg, fleire får vite om aktivitetane dykkar, og innbyggjarane får lettare tilgang til alt det flotte frivilligheita har å by på.

Tilskuddsportalen
 

• Ein samla oversikt over alle tilgjengelege søknadsordningar.
• Gratis tilgang for alle frivillige lag og organisasjonar i Stad kommune.
• Ei verkeleg gullgruve for dei som vil søkje støtte til aktivitetar og utvikling.
   
   

Fordel: De slepp å leite rundt på mange nettsider – her finn de alt på eitt stad og får betre oversikt over moglegheiter for støtte.

Korleis kome i gang?
 

For at portalen skal fungere godt, er det viktig at alle lag oppdaterer informasjonen sin og brukar kalenderen aktivt. Mange har alt lagt inn bilete og aktivitetar – vi ønskjer at endå fleire blir med!

Om du treng hjelp til å kome i gang, er det enkelt å få hjelp frå frivilligsentralane:
 

• Maria Helgesen, Selje Frivilligsentral – maria.helgesen@stad.kommune.no | tlf. 958 69 223
  Selje frivilligsentral si NETTSIDE
• Astrid Grete Torheim, Eid Frivilligsentral – astrid.grete.torheim@stad.kommune.no | tlf. 414 60 042
  Eid Frivilligsentral si NETTSIDE
   

Du kan avtale tid for ein gjennomgang på frivilligsentralen, eller få hjelp over telefon eller Teams.