-
Godt nytt år og takk for det som har vore
Vi vil med dette ynskje alle eit godt nytt år! Samstundes vil vi rette ei stor takk til alle lag og organisasjonar, frivillige og andre eldsjeler for aktivitetar, tilbod, arrangement, verv og alt anna engasjement i året som har gått. Det siste store samskapingsprosjektet for Selje Frivilligsentral og Eid Frivilligsentral i 2025 var Juleglede i Stad kommune. Nedanfor kan du lese meir om kven som er med/driv prosjekta, kven som har støtta, samt annan informasjon om Juleglede prosjekta 2025 Ei stor takk til alle involverte ❤️
Det vert ikkje Innbyggjartreff i 2025
Det har blitt ein tradisjon å starte haustsesongen med Innbyggjartreff i Operahuset Nordfjord. Slik blir det ikkje i år. Den stramme økonomien gjer at kommunen må prioritere dette vekk, men Frivilligsentralane held fram arbeidet med å styrke og synleggjere frivilligheita på andre måtar.Stad kommune har i fleire år arrangert to faste møteplassar for frivilligheita:
Frivilligkveld tidleg på året og Innbyggjartreff på hausten.
På Innbyggjartreffet har både politikarar og innbyggjarar fått høve til å møte frivillige lag og organisasjonar, vere på stand og oppleve aktivitetar.
I år blir det ikkje Innbyggjartreff. Den vanskelege økonomiske situasjonen gjer at kommunen må prioritere ressursane stramt.
– Frivilligheita er like viktig, om ikkje viktigare, i ein sårbar situasjon som no når kommunen står på ROBEK-lista.
Frivilligsentralane vil halde fram med vårt arbeid/oppdrag om å vere bindeledd mellom kommunen og frivillig sektor.
Sjølv om det ikkje blir det store treffet i år, vil Frivilligsentralen blant anna jobbe vidare med å utvikle Stad Foreningsportal, legge til rette for gode rammevilkår for framtida gjennom revidering av Frivilligpolitisk plattform og arbeid i det nye Stad frivilligråd, skape og synleggjere lågterskel møteplassar og halde fram med våre aktivitetar og tilbod v/ frivilligsentralane.
Vi ynskjer og å reise meir ut i bygdene.
Vil di bygd ha besøk av Frivilligsentralen, eller har du tips om ein god stad å sitje ein arbeidsdag eller to? Ta kontakt! Frivilligsentralane har alltid døra open for ein prat.
Hugs og at frivilligsentralene har lokale som frivillige kan nytte gratis til kurs, møter eller arrangement.
Om du vil mimre tilbake og drøyme om betre tider, kan ein sjå dei fine bildene frå Innbyggjartreffet 2024 : Trykk HER
Del på:
Flere nyheter
-
Frivillighetens dag 5.desember
Den 5.desember er det Frivillighetens dag – ei markering og ein stor takk til alle som gjer lokalsamfunnet levande!
-
Julemiddag saman med andre
VIKTIG å melde på innan fristen 8.desember! Ta med i påmeldinga om du treng skyss. Tilbodet gjeld for folk i heile kommunen. Vi fyller opp til det er fullt:)
-
Støtt Julegledeprosjekta 2025!
Frivillige og Alti Nordfjord har i mange år samarbeidd om å skape juleglede for lavinntektshushaldningar i kvar ein krok av Stad kommune. Gjennom eit tett samarbeid med mange kommunale avdelingar, når vi ut til alle deler av kommunen både med matkasser, julegåver, gåvekort, og vi sikrar at born i lavinntektshushaldningar får minst ei gåve som dei ønskjer seg til jul. Vi treng mellom 170.000,- og 200.000,- for å få dette til å gå rundt økonomisk. Dersom mage gir litt så klarer vi dette - men vi treng hjelp!
-
Oklafond 2025
Søk støtte frå Stad kommune sitt Oklafond. Kompensasjonsmidlane skal brukast innanfor det geografiske området som pr. 1. august 2022 har postnummer 6750. Søknadsfristen er 10.11.2025