Nytt og nyttig for frivillige i Stad - Nyhendebrev nr. 1/2025

Mange spennande og relevante tema på Speed-dating

Det vert to økter med Speed-dating/Hurtigmøte på Frivilligkvelden. Første økta er det tilsette frå Stad kommune som presenterer aktivitetar og tiltak vi kan få til samarbeid om. Den startar kl. 19.00. Andre økta er inspirerande aktivitetar frå frivilligheita i Stad. Alle må melde seg 2 alternativ i kvar økt.

Årets TV-aksjon til Atlas-alliansen: Sett av 19.oktober - til å vere bøssebærar?

Tenk deg at flyalarmen går i Kharkiv. Alle klassekameratane dine stormar ned i bomberommet, medan du vert vert sittande igjen åleine og redd: Bomberommet på skulen er ikkje tilrettelagt for deg og rullestolen din. Gjennom årets TV-aksjon den 19. oktober skal Atlas-alliansen gi hjelp til menneske med funksjonsnedsettingar i land som er råka av krig, kriser og fattigdom.

FRIVILLIGKVELD I STAD - ONSDAG 19. MARS 2025

Frivilligkveld er ein av to årlege møteplassar mellom frivilligheita og Stad kommune. Vi møtast for å snakke om viktige tema og skal finne ut korleis ein saman best kan legge til rette for frivilligheit i åra framover. Bryggja Grendahus kl.: 17:30 - 20:30. Vi møtest og inspirerer kvarandre! På frivilligkvelden 2025 skal vi m.a. skipe eit Frivilligråd for Stad og presentere Stad kommune sin frivilligpolitikk 2025-2028. Vi har infotorg der vi oppmodar alle om å ha med informasjon om det dykkar lag driv med. Vi ønskjer å få til "speed dating" der vi fortel kvarandre om kjekke aktivitetar/prosjekt.... og ikkje minst ete god mat frå Bakerie A/S på Bryggja. Meld deg på Frivilligkvelden på skjema nedanfor.

Vil du sitte i Stad Frivilligråd (Interimråd 2025)

Det skal dannast eit felles råd for frivilligheita i Stad kommune. Alle som tilhøyrer ein frivillig organisasjon i Stad kommune kan no melde seg opp som kandidat. FRIST FOR Å MELDE INN KANDIDATAR ER 12.mars

Friluftslivetsår 2025 - Vil ditt lag/org. lage arrangement å bli med på Heile Norge båler 18.januar?

Hele Norge båler er startskuddet for den landsdekkande feiringa og markering av Friluftslivets år 2025. Er det organisasjonar i Stad som ynskjer å nytte anledninga til å arrangere noko denne nasjonale Kom deg ut dagen? Då er det flott om ein vil registrere det i den nasjonale oversikta over alle Heile Norge båler arrangement. Og sjølvsagt også då legge arrangementet ut på vår felles lokale kalender her på Stad foreiningsportal. Her kan ein lese meir om konseptet og få gode tips: